常見問題

每個流程都揀咗最少嘅步驟：點名一撳、批請假一撳、出月費賬單一撳。介面有繁中同 English，手機用都得。

Pilot 中心上線時，我哋會同你一齊設定好；職員用嘅時候有問題，直接 WhatsApp 我哋就得。

收費方式、價錢、最少堂數、分級每堂價、早鳥同舊生優惠都係設定出嚟，唔係寫死。上線前我哋會同你逐條對一次現有規則。

每張賬單都追溯得到點名同調整紀錄，家長問「點解扣堂」可以即刻答到。

學生同家長可以用 CSV 一次過匯入，兄弟姊妹按電話號碼自動共用同一位家長。資料導入包喺月費入面，我哋可以幫你整理現有 Excel。

可以。我哋會先用你中心嘅課程同收費方式做一次 demo，之後可以免費試用 14 日。Pilot 中心頭 3 個月免費，之後 12 個月半價。

冇 email 嘅家長，系統會將通知寫成 WhatsApp 訊息，連埋賬單連結，職員一撳就用中心自己嘅 WhatsApp 發出。Growth 計劃推出 WhatsApp 自動發送之後，訊息會自己發出。

唔使。賬單、收據同上載付款證明都係一條連結，手機瀏覽器打開就用得。想睇時間表同上堂紀錄嘅家長，可以用你寄嘅邀請連結開帳戶。

而家係家長用 FPS、PayMe 或者銀行轉賬俾錢，之後上載截圖，職員核對後記錄。系統暫時唔處理信用卡等網上收款。

月費同套票可以喺同一個學生身上並存，調班之後套票餘額照計；家長用 FPS 或 PayMe 截圖俾錢，唔使裝 app；改一堂，時間表、扣堂、賬單同通知一齊跟住改。入門計劃由每月 HK$490 起。

Starter 每月 HK$490，大約係兼職行政幾個鐘嘅人工。亦可以同我哋傾吓用唔用到科技券（TVP）；pilot 中心頭 3 個月免費，之後 12 個月半價。

每間中心嘅資料完全分開。職員、導師同家長按角色只睇到要睇嘅資料；改角色或者停用帳戶即時生效。家長上載嘅付款截圖私人儲存，只有職員登入後先睇到。登入密碼用 bcrypt 雜湊儲存。

拎得走。負責人隨時可以喺「中心 → 匯出資料」將全中心資料匯出做一個 Excel 檔：學生、家長、導師、課程、班別、課堂、點名、請假、套票餘額、賬單、收款等，每類一個工作表。

個檔用你自己設定嘅密碼 AES-256 加密，Excel 同 Numbers 打開會問密碼；匯出前要再輸入一次登入密碼，每次匯出都會 email 通知負責人。

可以。每個用戶自己揀繁中或者 English，PDF 賬單同收據一律中英對照。