WhatsApp、Excel 同收據簿做緊嘅嘢，交俾一個系統。
為香港補習社同興趣班而設。排課、點名、收月費同套票、出雙語收據、通知家長，資料入一次，其他全部跟住更新。
Pilot 中心試用期免費，之後 12 個月半價。
家長唔使裝 app：撳連結就睇到賬單，上載付款截圖。
你中心而家每日做緊嘅嘢
每樣都唔難，加埋就食晒老闆同一兩個職員嘅時間。
調堂、補堂靠 WhatsApp 逐個對
家長請假、導師臨時唔得，要逐個家長覆，補堂一漏就撞堂或者重複安排。
學費用 Excel 同手寫收據追
套票剩幾堂、月費幾時到期要人手計，欠費要逐個追，對數做到夜晚。
點名同收費係兩套紀錄
點名喺紙或者 group 度，扣堂同出賬單要再入多次，家長一問「點解扣堂」就要翻查。
家長喺手機撳「請假」，可以順手揀一個同課程嘅補堂時段。
職員喺「請假」頁撳批准。請假同補堂即刻寫入點名紀錄，補堂嗰班名單自動加埋佢。
家長即時收到批核通知。
導師用手機點名。請假同補堂兩堂之中只扣一堂，套票餘額自動計啱。
點名 → 扣堂 → 賬單
導師點名，套票同月費自己計好。
導師喺手機點出席、遲到、缺席、請假或者補堂。套票按出席扣堂，按堂收嘅月費按該月排咗幾多堂計，唔使再入第二次。
- 一個學生可以同時有月費班同套票班
- 調班當一個連續報讀，套票餘額跟住過去
- 導師或者課室撞時間，排堂嗰刻就擋住
收費 → 付款證明 → 收據
月頭撳一下，全中心月費賬單一次過出。
中途入學按剩餘堂數計，早鳥同舊生優惠自動扣。家長收到 email，附 PDF 同一條免登入連結；佢用 FPS 或者 PayMe 過數之後上載截圖，你批核，收據自動發出。
- 月費、套票、學期、單堂，四種收費方式
- 中英對照 PDF 賬單同收據，印埋中心 logo、簽名同印章
- 欠費同待批核付款證明，喺收費頁一眼睇晒
資料安全
學生同家長資料，只有你中心睇到。
每間中心嘅資料分開，每個人按角色只睇到要睇嘅嘢；你隨時可以將全部資料加密匯出帶走。
每間中心嘅資料分開
每項資料都屬於一間中心，系統每次讀取都只限你中心，其他中心睇唔到你嘅學生、家長或者賬目。
付款截圖私人儲存
家長上載嘅轉數截圖唔會公開，只有登入咗嘅職員先睇到。
資料隨時匯出，加密保護
負責人可以將全中心資料匯出做 Excel，用你自己設定嘅密碼 AES-256 加密；匯出前要再輸入一次登入密碼。
跟香港中心嘅做法設計
家長習慣 WhatsApp，用 FPS 同 PayMe 俾錢，要中英文收據。系統就照呢個方式運作。
家長上載截圖或者入數紙，職員核對後記錄收款。
每一頁、每份 PDF 都有中英文，家長揀自己語言。
系統寫好訊息，職員一撳就用中心自己嘅 WhatsApp 發出。
負責人、管理員、職員、導師、家長各自只睇到要睇嘅資料。
而家招募 pilot 中心
學科補習社同興趣班中心都啱。我哋會同你對一次現有收費規則，幫你入好學生同班別資料。Pilot 期間免費，之後 12 個月半價。