由排堂到收據，一條線做落去。
每個功能都用同一份資料。改一堂，點名、套票、賬單同家長通知都跟住改。
排課
設定一次每星期幾時上堂，未來半年嘅堂自動排好。
每個班設定開班日期、時間同每星期邊幾日上堂，系統排好未來 26 個星期，之後每日自動延長。
- 同一個導師或者課室撞時間，儲存嗰刻就擋住
- 課室超出人數上限會提醒，由你決定
- 單獨改一堂嘅日期、時間、導師或者課室，其他堂唔受影響
- 按導師、分店或者課室篩選，週視圖同日視圖切換
點名
出席、遲到、缺席、請假、補堂，一撳記錄。
名單按當日有效嘅報讀自動生成，臨時補堂或者試堂學生可以即場加入。點名結果直接用嚟扣套票同計賬單。
- 每個學生可以寫備註，例如功課或者表現
- 扣唔扣堂預設自動判斷，特別情況可以逐個改
- 喺手機用都得，導師唔使開電腦
請假同補堂
家長網上請假，職員一撳批核，補堂同扣堂自動處理。
家長喺家長專區申請，職員都可以喺課堂頁代家長申請。批准之後，請假紀錄同補堂一次過寫入，請假堂同補堂兩堂之中最多扣一堂。
- 開堂前幾多個鐘內算遲請假（預設 24 小時），遲請假照扣堂
- 補堂喺同一課程嘅其他班揀，限定幾多日內（預設 30 日）
- 可以開放俾家長自己揀補堂時段；爆滿嘅班唔會俾家長揀
- 中心取消一堂，未處理嘅請假自動失效，受影響嘅補堂列入待重新安排
收費
月費同套票可以喺同一個學生身上並存。
收費方式喺課程設定，個別班可以另外定價。學生報讀嗰陣自動跟課程或者班別嘅設定，唔使職員揀。
月費
每月一張賬單，月頭撳一下全中心一次過出。中途入學嘅第一個月可以按剩餘堂數計。
套票
按堂數買，可以設最少堂數同分級每堂價。出席先扣堂，家長隨時睇到剩幾堂。
學期同單堂
學期開始前出一張；單堂、試堂按次收。
早鳥同舊生優惠
定額或者百分比，可以只扣第一張賬單或者每張都扣。輸入時即時顯示例子，唔會將 $ 同 % 搞亂。
調班唔會重複收費
調班當一個連續報讀，套票餘額跟過去新班，當月已經收過嘅月費唔會再收。
欠費一眼睇晒
按狀態、月份或者學生篩選，未收同逾期金額喺收費頁頂顯示。
賬單同收據
中英對照 PDF，印上你中心嘅樣。
每張賬單同收據都即時生成，中英文並列。四款版面揀一款，加上 logo、品牌顏色、付款資料同頁尾，正式版面仲可以印埋簽名同中心印章。改設定嗰陣即時預覽。
付款證明
家長過數之後上載截圖，你批核，收據自動發出。
每張賬單有一條免登入連結。家長用手機打開，睇到金額同付款方法，上載 FPS、PayMe 截圖或者入數紙。
- 職員喺賬單頁核對，批准就記錄收款並寄收據
- 拒絕要寫原因，家長會收到通知
- 兩個職員唔會重複處理同一張證明
- 待批核數目喺「收費」選單同總覽顯示
家長通知
有家長 email 就自動寄，冇就寫好 WhatsApp 訊息等你撳發送。
通知自動揀家長用開嘅渠道。WhatsApp 訊息由系統寫好，職員一撳就用中心自己嘅 WhatsApp 發出。同一件事唔會重複通知。
改堂同取消堂
改一堂即刻通知受影響嘅家長；成個班改時間，每個學生只收一次通知。
賬單同收據
賬單通知附 PDF 同連結；收款之後收據即刻寄出。
套票就嚟用完
剩少堂數嗰陣提家長續買。
上堂提醒
開堂前用 email 提醒家長。
請假結果
批准或者拒絕即刻通知家長。
付款證明被拒
連原因一齊通知，家長知道要點補交。
家長專區
子女嘅時間表、上堂紀錄同賬單，家長自己睇。
你喺學生頁邀請家長，佢用連結開帳戶，就睇到自己子女嘅時間表、套票餘額、賬單同上堂紀錄，仲可以網上請假。唔想開帳戶嘅家長，照樣可以用賬單連結付款。
中心同權限
每個人只睇到自己要睇嘅嘢。
五種角色
負責人、管理員、職員、導師、家長，權限分開。改角色或者停用即時生效。
用連結邀請同事
產生邀請連結，同事開連結就加入你中心。
分店同課室
設定分店同課室，時間表可以按分店睇。
匯入學生
用 CSV 一次過匯入學生同家長；兄弟姊妹按電話自動共用同一位家長。
學生紀錄唔會刪
學生停學設為「停用」，歷史賬單同點名紀錄保留。
中英文介面
每個用戶自己揀繁中或者 English。
安全同私隱
你嘅資料，你話事。
學生同家長嘅個人資料只限你中心按角色使用；你想轉系統或者自己備份，隨時加密匯出。
每間中心嘅資料分開
每項資料都屬於一間中心，系統每次讀取都只限你中心，其他中心睇唔到你嘅學生、家長或者賬目。
按角色分權限
負責人、管理員、職員、導師、家長各有權限；改角色或者停用帳戶即時生效。
資料隨時匯出，加密保護
負責人可以將全中心資料匯出做 Excel，用你自己設定嘅密碼 AES-256 加密；匯出前要再輸入一次登入密碼。
每次匯出都有紀錄
記低邊個、幾時匯出，並即時 email 通知中心負責人。
付款截圖私人儲存
家長上載嘅轉數截圖唔會公開，只有登入咗嘅職員先睇到。
密碼經雜湊處理
登入密碼用 bcrypt 雜湊儲存，冇人睇得到你原本嘅密碼。
即將推出
以下功能開發緊，推出後 Growth 同 Multi-branch 計劃直接包埋。
接駁中心自己嘅 WhatsApp Business 帳戶，通知自動發出。Meta 訊息費直接由 Meta 向中心收。
家長 WhatsApp 嚟嘅請假、調堂同付款截圖，自動整理成待批核項目，職員確認先生效。
按上堂紀錄計導師人工，支援月薪同按堂計。
跨分店睇收入、出席同欠費。
想睇你中心嘅收費規則點樣入？
WhatsApp 我哋，用你自己嘅課程同收費方式示範一次。